It's an AND not an END

السلام عليكم ^^

أخباركم ؟؟ عساكم بخير ^__^

و هم عيدكم مبارك و ينعاد عليكم بالخير و الصحة والسلامة يا رب 

 مب عارفة شلون ابدي , بس راح أدخل بالموضوع دغري و بدون لف و دوران ^_^

امممممم

يأسفني إني أخبركم إني قررت أعتزل الترجمة خلاص هالقرار كنت افكر فيهم من زمان بس ما كان يهون علي بس احين حسيت انه خيار أفضل لي و للكل و عندي عدة أسباب راح أذكرها لكم أكيد 

1. أحس نفسي إني قاعدة أنشغل بحياتي و دراستي أكثر و أكثر لدرجة إني مب لاقية وقت للترجمة 
2. قاعدة انطركم وقت وااايد طويل على ما أنزل حلقات البرنامج او ترجمة الأغاني الي تبونها, اشكر و اقدر انتظاركم لأن جد لو انا مكانكم ما كنت راح استحمل فمشكورين قد الدنيا 3>
3. بديت مشروعي الخاص مؤخراً " I Cartoon U " و بصراحة افضل إني أستغل وقت فراغي بالشغل عليه و تطويره أكثر من إني اقضيه على الترجمة =3 

ملاحظة: الي حاب يعرف أكثر عن مشروعي 

انستغرام: @icartoonu

تمبلر: icartoonu.tumblr.com

بالنسبة لبرنامج سيركت اسفة جداً جداً جداً اني ما راح اكمله لكم و خاصة للصبرو علي و انتظروني من أول ما بديت اترجمه للحين 

و خصوصاً خصوصاً الي ينتظرون الحلقات الأخيرة عشان الايدولز تبعهم , أسفة إني خذلتكم 3/> 

و أكيد الي طلبو أغاني بعد و ما لبيتها لهم و خاصة الي طالبين من زمااان وايد 

ملاحظات:

•  الي ناوي يكمل ترجمة برنامج سيكرت يخبرني و انا مستعدة اوفر له الراو و الانج سب و حتى الحلقة الي بعد انا مترجمة ربعها و الي يبي الملفات يكمل عليها يخبرني مع ان وصلني ان في مدونة ثانية مترجمتها بس الي حاب 
• عندي برنامج KBS Crown Princess Project كنت مخططة اترجمه بس ما صار, فالي حاب يترجمة عندي الراو و الانج سب و مستعدة اوفرهم له 

بالنهاية أحب اشكركم كلكم على دعمكم لي و صبركم علي 

و خاصة الي كانو متابعيني من سوبر شايني و  اجو تابعوني هني بعد و هم الي تابعوني من بداية A-pop Sub

و الي كانو يدعموني و يشجعوني بشكل متواصل

قضيت معاكم اوقات جميلة جداً و حلوة جداً و بعضكم حتى صاروا لي اصدقاء من وراء الشاشات 

اشياء وايد تغيرت فيني و انا احس انا صارت للأفضل بسببكم انتو 3> 

انتو حسستوني إني انسانة لها أهمية لأول مرة 

حسستوني إني الي اسويه قاعدة اساعد أحد فيه (ترجمة البرامج) ما اقصد الاغاني لا تقوموا علي يرحم والدينكم 

فشكراً لكم 

يمكن A-pop Sub انتهت أسرع من ما ينبغي و أسرع من ما انا كنت مخططة له 

قبل لا اترجم كل الاشياء الي ابيها او الاشياء الي قررت اني افتح المدونة عشانها 

في وايد اشياء كنت مخططة لها ما ساعفني الوقت اني انفذها 

بس هم الحمد الله انا راضية على الي وصلت له 

ملاحظة: ما راح اسكر المدونة و لا راح احذفها و لا حتى حسابات اليوتوب و غيرها و من يدري يمكن بيوم من الايام تشوفوني رجعت لكم بترجمة برنامج او أغنية ما قدرت أقاوم ترجمتها هههه

I will leave it to time 

و الي يحب يتم على تواصل معاي

تويتر / انستغرام: @azharnooh

مع السلامة :)