لا مزيد من استقبال الطلبات بعد اليوم + البرنامج الرمضاني

السلام عليكم

شلونكم متابعيني الجميلين << ابو اللغة

الموضوع و ما فيه ان الطلبات راح تتوقف خلاص

لأن عندي طلبات وايد وايد وايد و ما اعرف اذا اقدر اخلصها قبل رمضان حتى او لا

 و على فكرة ترى انا مخلية القيست بوك عشان الطلبات بس انتو الله يهداكم مقططينهم لي بكل مكان

بالمواضيع و اليوتوب و التويتر

فالي اشوف طلبها راح البيه اما الي ما شفته و نسيت اهوه في وين تسمح لي عاد

عشان جذي راح اوقف استقبال الطلبات لبعد رمضان

>>أقول حياكم دخلو الموضوع عن الوقفة على الباب عشان نتكلم براحتنا XP<<

حياكم الباب

▼

الشي الثاني برمضان انا راح اوقف ترجمة الأغاني نهااائياً

و هالشي كلنا متفقين عليه صح

غير جذي قاعده أفكر اترجم لكم برنامج + أفلام

حق رمضان

طبعاً كل ما سمح لي الوقت تعرفون انتو رمضان و مشاغله

فحالياً الي فكرت فيهم

فلم

My Black mini dress

و بشوف غيره افلام بعد

و هم بعد برنامج

Secret

في هالبرنامج راح يفضحون فيه أسرار النجوم

و راح تكون حلقة كل اسبوعين

طبعاً ما اوعدكم بشي بس راح أحاول ان شاء الله و خاصة ان ناس واسد طلبو مني أني أترجم برامج و غيرها ^^

ملاحظة :

ما اعرف اذا في فرق ثانية حاجزة هالشين لأني بصراحه ما اتابع الترجمات العربية و لا المدونات حتى ,, بس هم أقول ان انا راح انزلهم برمضان و ما اشتغلت عليهم للحين فيمديكم ان اترجمون و تنزلون و انا للحين و انا ما عندي مانع اتجم شي مترجم اذا كنت حابته هذي شغله

غير ان انتو لكم متابعينكم الي يحبون ترجماتكم و يتابعونها يعني لاتفكرون اني راح اخرب عليكم او شي و خاصة اني مبتدئة

فبليز رجاء لحد يجي يهاوش و يتخانق معاي اذا كان اهوه حاجزهم لاني مالي خلق مشاكل و عوار راس

غير ان ترجمتي حصرياً بالمدونة ما انزلها باي موقع ثاني او منتدى فاخذو انتو راحتكم 3>

وايد هدرت يالله انيوو و خبروني برايكم ^^